Desde o CIMIX presentamos a nosa nova axenda cultural para esta Semana Santa, con dúas actividades únicas para coñecer a historia do Muíño de Xuvia desde novas perspectivas.
Do 17 ao 20 de abril poderedes desfrutar de Fariña en marcha!, un xogo interactivo ao estilo escape room no que faredes uso dunha aplicación móvil para solventar enigmas inspirados no funcionamento da Real Fábrica de Fariñas de Lestache.
Tamén, os días 18, 19 e 20 ás 12:00 celebraremos o ciclo de visitas guiadas Máis alá do muíño, un percorrido polo interior do complexo arquitectónico e algúns dos seus espazos exteriores máis emblemáticos.
O escape room terá un custo por persoa de 6 €, mentres que as visitas guiadas terán un prezo xeral de 5,50 €, e reducido de 4 €. Ambas actividades requiren reserva previa, que poderá facerse a través desta mesma páxina web.